- نشرة منسوج
- Posts
- براند سعودي ينافس زارا
Feel Your Best on the Field With Nike Kylian Mbappé Collection.
Discover the Nike Kylian Mbappé collection, crafted for players ready to take their skills to the next level. Featuring standout styles like the Vapor and Superfly, these boots combine cutting-edge technology with eye-catching designs inspired by the pros. Experience the game-changing Air Zoom unit for explosive acceleration and a responsive touch, whether you’re making that perfect through ball or striking from distance. Treat yourself to a fresh pair from the collection and dominate the pitch. You deserve to feel your best on the field.
هذه النشرة بالتعاون مع صفر لواحد
✅قصة رهيبة وكالعادة ماراح تسمعونها إلا عندنا
🎥❌الجلسة كانت بدون تصوير وتسجيل عشان الضيوف والحاضرين ياخذون راحتهم
👗استضفنا على المسرح: غيداء العطيوي المؤسس والرئيس التنفيذي لشركة ألينا
🧥إذا مامرت عليك غيداء فهي طاحت وقامت وطاحت وقامت لين سوت شركة تنافس عمالقة الأزياء شي ان وزارا
👓🎤حاورها لبنى الزاحم من صفر لواحد
نقاط سريعة من اللقاء للي ماقدر يحضر
🐣بدايتها كانت مع ابتكار شطاف للمسافرين وعمرها 17، ووقتها استفادت من حاضنة بادر
🏦النجاح في الشطاف كان معقول لكن محدود بحكم إنه طلع منتجات مشابهة وتكلفة التصنيع تميل دائمًا للشركات العملاقة
🧔🏻♂️قررت غيداء تتوجه لقطاع جديد وهو منتجات العناية في السفر عن طريق شنطة أنيقة تحتوي أهم الاحتياجات ( ترى كتبنا أهم الاحتياجات لأن الكاتب ولد ومايدري وش أهم المستحضرات في السفر )
🛌بعدها انتقلت غيداء لمنتج جديد كان بوابة لدخولها قطاع الأزياء وهو منتج غطا الوسادة الحرير
🧨بدت بالتسويق لمنتج الحرير مع مشهورة وحده ونجحت فيها.. وبعدها دبلت التسويق 10 أضعاف والمخزون 10 أضعاف واتورطت لأن النتائج ماكانت مثل التجربة الأولى
💡وقتها تعاقدت مع وكالة تسويق وطلع ماعندهم سالفة (كالعادة) وهذا خلاها وفريقها يتعلمون التسويق
🌟 كل هذه المغامرات قادتها لاكتشاف قطاع الأزياء وتحقيق نجاح ساحق
🛑وشلون حددت توجهها في المنتجات في الأزياء؟ صارت تروح للعزايم عشان تسأل البنات من وين يشترون ملابسهم ووش أكثر الأشياء اللي يصرفون عليها من بين القطع..وأكدت على نقطة أنها ما كانت تقول للناس أنها تفكر تبدأ بزنس بهالقطاع، لأنه نفسيا الناس يبدأون يعطونك أجوبة مثالية ماتمثل الواقع
💸اصعب شيء في البزنس: إدارة التدفقات النقدية.. لازم دايم توقعاتك تكون متحفظة جدا وتحط هامش مريح بدال ما تورط نفسك
👚الميديم أكثر مقاس عليه طلب(هاشتاق #بديهيات)
قطاع الأزياء كبير وله درجات مختلفة كل وحدة فيها منافسين: على سبيل المثال شي-إن يصنف ضمن الفاست فاشن لأنه جودة وتجربة عميل مفقعة مقابل مبلغ قليل
💸في قطاع الأزياء بشكل عام: الربحية المعقول استهدافها هي 15% و ممكن تكون أكثر بكثير لو تكلمنا عن البراندات الفخمة اللي سعرها مرتفع
📈أكثر شيء فادهم في التسويق: تسوي ميزانيات صغيرة وتقسمها على تجارب كثيرة.. وضربت مثال بنينجا = استهدفوا حقين تيك توك بميزانيات صغيرة جدا في بداياتهم وساعدهم هالشيء يحققون نتايج ممتازة في البداية بميزانيات محدودة!
سوت 3 جولات مع مستثمرين ملائكيين
كل المنتجات كانت تحت شركة وحدة (كان يمديها قانونيًا تسوي شركة جديدة فيها المنتجات الجديدة الناجحة لكن ثقة المستثمرين فيها من البداية خلتها تؤمن إنهم شركائها 🤝)
☕️في الجزء الأخير من اللقاء تقهوينا جميع وصار فيه فرصة للحضور يتعرفون على بعض
Reply